Мареска Палмерни Роджерсга алмаштирмаслигини айтди

«Челси» бош мураббийи Энцо Мареска «кўклар» ярим ҳимоячиси Коул Палмерни «Астон Вилла» футболчиси Морган Роджерсга эҳтимолий алмаштириш ҳақидаги саволга жавоб берди. «Йўқ, мен Коулни алмаштирмаган бўлардим.

Мен Палмерни яхши кўраман, Коул эса менинг футболчим», деди Мареска матбуот анжуманида. Морган Роджерс 2024 йилда «Мидлсбро»дан «Астон Вилла»га 9 миллион евро эвазига ўтган.

Унинг «шерлар» билан шартномаси 2031 йил 30 июнгача мўлжалланган. Жорий мавсумда ҳужумкор ярим ҳимоячи барча мусобақаларда 24 та ўйин ўтказиб, 7 та гол урди ва 5 та голли узатма берди.

Эслатиб ўтамиз, Коул Палмер 2023 йилдан бери «Челси» шарафини ҳимоя қилиб келмоқда ва клуб етакчиларидан бири ҳисобланади. Жорий мавсумнинг катта қисмини ярим ҳимоячи жароҳатлар сабаб ўтказиб юборди.