Калверт-Люин АПЛда Кейн эриша олмаган серияни қайд этди
«Лидс» ҳужумчиси Доминик Калверт-Люин Англия Премьер-лигасидаги гол уриш сериясини яна бир ўйин узайтирди. Бу ҳақда euro-football.ru хабар беради.
Якшанба куни 28 ёшли форвард «Сандерленд» дарвозасини ишғол қилиб, жамоасига 1:1 ҳисобидаги дурангни тақдим этди. Шу тариқа «товуслар» ҳужумчиси АПЛда кетма-кет олтинчи учрашувда ҳам гол урди — Opta маълумотига кўра, бу кўрсаткичга Англия терма жамоаси сардори ва чемпионат тарихидаги иккинчи энг яхши тўпурар Гарри Кейн ҳеч қачон етмаган. «Тоттенҳем»нинг собиқ юлдузи кетма-кет гол урган энг узун сериясини беш ўйинда қайд этган ва буни икки бор такрорлаган.
Жорий АПЛ мавсумида Калверт-Люин 8 та аниқ зарба билан тўпурарлар рўйхатида тўртинчи ўринда бормоқда.