Лукас Окампос юз мушакларининг қисман фалажига учради
Аввалроқ "Севилья" ва "Милан" сафида ўйнаган аргентиналик ҳужумчи Лукас Окампос айни пайтда Мексикада — "Монтеррей" клуби футболчиси сифатида тўп тепмоқда. Бу жамоада у бир муддат Серхио Рамос билан ҳам бирга ҳаракат қилган, кейинчалик испаниялик ҳимоячи клубни тарк этганди. Бу ҳақда euro-football.ru хабар беради.
"Монтеррей" Окампоснинг соғлиғида муаммо борлигини маълум қилди: унда юз мушакларининг қисман фалажи аниқланган. Ole нашри ёзишича, футболчи қизи билан ўйнаётган пайтда омадсиз йиқилиб тушиб жароҳат олган — билагини синдириб, юз қисми билан ҳам қаттиқ урилган.
Эслатиб ўтамиз, Окампос 2019–2024 йилларда "Севилья" либосида ўйнаган. Шунингдек, у фаолияти давомида француз "Марсел"и ва нидерланд "Аякс"и сафида ҳам майдонга тушган.