Муҳсин Муҳаммадиев 60 ёшида вафот этди: тожик ва ўзбек футболи мотамда
Тожикистон футболи афсоналаридан бири Муҳсин Муҳаммадиев 60 ёшида вафот этди. Бу хабар футбол жамоатчилиги, айниқса ўзбек футболига бефарқ бўлмаган мухлислар учун оғир йўқотиш бўлди.
Муҳаммадиев Ўзбекистонда ҳам яхши танилган эди: футболчилик фаолияти давомида “Бухоро” ва “Динамо” клубларида тўп суриб, маҳаллий муҳитда ўз ўрнига эга бўлган.
Кейинчалик у мураббийликка ҳам ўтди ва 2019–2020 йилларда “Бухоро” жамоасини бошқаргани билан эсда қолди.
Олдинроқ унинг аҳволи оғир экани ҳақида хабарлар тарқалган эди. Афсуски, бу кураш бахтли якун топмади.
Муҳсин Муҳаммадиевнинг яқинлари ва уни яхши кўрган барча мухлисларига сабр тилаймиз. Унинг номи ва футболга қўшган ҳиссаси хотираларда қолади.