Паччини “Милан” ичида катта руҳ ва бирдамлик борлигини айтди
“Милан”нинг собиқ ҳужумчиси Джампаоло Паччини Массимилиано Аллегри клубга келганидан кейин бошланган ўзгаришлардан руҳланганини билдирди. Унинг фикрича, жамоа ичидаги ижобий кайфият футболчилар томонидан ҳам тўлиқ қўллаб-қувватланмоқда ва бу натижаларга ҳам яхши таъсир кўрсатяпти. Бу ҳақда euro-football.ru хабар беради.
“Ўтган мавсумдаги омадсизликлардан кейин ҳозирги натижалар яна иштиёқ уйғотмоқда. Жамоа сафида, шу жумладан мухлислар орасида ҳам бирлик сезиляпти”, — дея келтиради Паччинининг сўзларини pianetamilan.it.
Айни пайтда “Милан” А Серия турнир жадвалида иккинчи ўринда бормоқда. Клуб Италия чемпиони унвонини охирги бор 2022 йилда Стефано Пиоли бошчилигида қўлга киритган.