Швейцариядаги ёнғинда «Мец» футболчиси жароҳат олди
Янги йилнинг илк куни Швейцариянинг Кран-Монтана тоғ чанғи курортида юз берган портлаш ва ундан кейинги ёнғин фожиа билан якунланди. Ҳодиса оқибатида ўнлаб одамлар ҳалок бўлди. Бу ҳақда euro-football.ru хабар беради.
Жароҳатланганлар орасида «Мец» клуби футболчиси Таҳирис до Сантос ҳам бор. У жамоанинг иккинчи таркибида тўп суради ва курортга дўстлари билан дам олиш учун келганди, бироқ байрам саёҳати кутилмаганда фожиа тус олди.
Клуб матбуот хизмати маълумотига кўра, до Сантос ҳозир Германияда бўлиб, куйиш жароҳатлари юзасидан даволанмоқда. Умумий ҳисобда 150 дан ортиқ киши жабрланган, 40 дан зиёди вафот этган, қолганлар турли даражадаги жароҳатлар олган.