Фабио Капелло «Ювентус»ни ҳам чемпионлик пойгасида кўрмоқда
Италия футболининг таниқли мутахассиси, собиқ Россия терма жамоаси ва «Милан» бош мураббийи Фабио Капелло Туриннинг «Ювентус» жамоаси чемпионлик учун курашда жиддий даъвогарлар қаторида қолаётганини таъкидлади. Бу ҳақда euro-football.ru хабар беради.
Капеллонинг фикрича, «Ювентус» аллақачон Чемпионлар лигаси зонасига кириб олгани муҳим кўрсаткич. У бу ҳолатни клубни қабул қилиб олганидан кейин мураббий Спаллеттининг илк ижобий натижаларидан бири сифатида баҳолади ва май ойигача вазиятни янада яхшилаш учун вақт етарли эканини қайд этди.
Турин клуби А Серияда охирги бор 2020 йилда чемпион бўлган. Ҳозирда эса «Ювентус» Италия чемпионати турнир жадвалида тўртинчи поғонани эгаллаб турибди.