Алонсо Винисиусга ишонади ва «Бернабеу» яна олқишлайди

Мадриднинг «Реал» клуби бош мураббийи Хаби Алонсо Ла Лиганинг 19-турида «Бетис»га қарши учрашувда мухлисларнинг бир қисми ҳуштак чалган Винисиус Жуниорни қўллаб-қувватлади. Бу ҳақда euro-football.ru хабар беради.

Испаниялик мутахассис бразилиялик вингер жамоа учун ниҳоятда муҳим эканини таъкидлаб, трибуналар кайфияти вақт ўтиши билан ўзгаришига ишонч билдирди.

«Менингча, Винисиус жамоага жуда катта ҳисса қўшди. У охиригача курашди, айниқса биринчи бўлимдаги ўйини менга ёқди. Винисиус «Реал» учун доимо фундаментал аҳамиятга эга футболчи бўлиб келган ва шундай бўлиб қолади. Ишончим комил, «Сантьяго Бернабеу» ҳали уни яна олқишлайди», — деди Алонсо.

Эслатиб ўтамиз, 4-январ куни «Реал» «Бетис»ни 5:1 ҳисобида йирик мағлуб этди, бироқ Винисиус бу баҳсда гол ёки ассист билан ажралиб чиqmади.