Кот-д’Ивуар учта гол билан чорак финалга чиқди, уларни Миср кутмоқда

Африка Миллатлар кубогида нимчоракфинал босқичининг сўнгги учрашуви ҳам ўз жавобини берди. Кот-д’Ивуар терма жамоаси Буркина-Фасога қарши майдонга чиқиб, баҳсни ишончли ва кескин руҳда 3:0 ҳисобида якунлади.

Учрашувнинг бошиданоқ «филлар»нинг кайфияти жиддий экани кўриниб турди. 20-дақиқада Диалло ҳисобни очиб, жамоага эрта устунликни тақдим этди. Орадан кўп ўтмай, 32-дақиқада Диоманде яна бир бор рақиб дарвозасини ишғол қилди ва ўйин суръатини Кот-д’Ивуар фойдасига буриб юборди.

Буркина-Фасо иккинчи бўлимда вазиятни ўзгартиришга уриниб кўрди, аммо ҳимоядаги хатолар ва рақибнинг босими “нафас олдирмади”. Баҳснинг охирида, 87-дақиқада Туре учинчи голни уриб, ҳисобга якуний нуқтани қўйди — 3:0.

Шу тариқа, Кот-д’Ивуар нимчоракфиналдан муаммосиз ўтиб, чоракфиналнинг сўнгги иштирокчиси сифатида рўйхатга кирди. Энди эса «филлар»нинг олдида ҳақиқий имтиҳон турибди: яримфиналга чиқиш йўлида уларни Миср терма жамоаси кутиб турибди.

Африка Миллатлар кубоги. 1/8 финал

Кот-д’Ивуар — Буркина-Фасо 3:0
Голлар: Диалло 20, Диоманде 32, Туре 87

Кот-д’Ивуар: Фофана - Диалло, Диоманде, Инао Улаи, Гессан, Дуэ, Кесье, Конан, Коссуну, Н’Дика, Сангаре.

Буркина-Фасо: Коффи - Дайо, Куасси, Нагало, Симпоре, Тапсоба, Уаттара, Уэдраого, Яро, Ирие, Л.Траоре.