Модрич «Фиорентина»га қарши «Милан» асосий таркибида бошламайди

А Сериянинг 20-турида «Милан» турнирнинг аутсайдерларидан бири бўлган «Фиорентина»га қарши майдонга тушади. Жамоа бош мураббийи Массимилиано Аллегри Лука Модрич учрашувни асосий таркибда бошламаслигини билдириб ўтди. Бу ҳақда euro-football.ru хабар беради.

Аллегри сўзларига кўра, тажрибали ярим ҳимоячи катта эҳтимол билан захира ўриндиғидан ўйинга қўшилади ва майдонга кейинроқ чиқади. «Модрич? Кўрамиз. Менимча, у стартда бўлмайди, ўйинни захирада бошлайди», — дея мураббий фикрини pianetamilan.it келтирди.

Бундай қарорга тақвим зичлиги ҳам таъсир қилган: «Милан» аввалги учрашувини атиги уч кун олдин «Женоа»га қарши ўтказган эди.