Винисиус энг кўп гол урган рақибларидан бири — «Барселона»

Мадриднинг «Реал» клуби ҳужумчиси Винисиус Жуниор яна бир бор «Барселона» дарвозасини ишғол қилиб, «эл класико»да каталониялик мухлисларни ранжитди. Бу ҳақда euro-football.ru хабар беради.

Бразилиялик футболчи олдинги 19 ўйинда гол ура олмаган эди, бироқ Испания Суперкубоги финалида «кўк-анорранглилар»га қарши бу серияни тўхтатди. 25 ёшли Винисиуснинг «Барселона»га қарши урган голлари сони энди 8 тага етди — бу унинг карьерасида бир рақиб дарвозасига киритилган голлар бўйича иккинчи энг юқори кўрсаткич. Худди шунча голни у «Осасуна»га ҳам урган, энг кўп зарар кўрган жамоа эса «Валенсия» — 9 марта.

Умуман олганда, Винисиус «Барселона»га қарши 23 учрашувда майдонга тушган. Унинг ҳисобида 6 та голли узатма ҳам бор.

«Эл класико»нинг иккинчи бўлими воқеаларини LiveResult’нинг матнли трансляцияси орқали кузатиш мумкин.