Марио Балотелли БАА иккинчи лигасидаги клубга ўтди
Италиялик ҳужумчи Марио Балотелли фаолиятини Бирлашган Араб Амирликларининг иккинчи дивизионида давом эттиради. Бу ҳақда euro-football.ru хабар беради.
35 ёшли марказий форвард Европада «Милан», «Манчестер Сити», «Интер» ва «Ливерпул» сафидаги ўйинлари билан танилган. У Дубайнинг «Ал-Иттифақ» клубига қўшилди. Клуб матбуот хизмати хабарига кўра, томонлар 2,5 йилга мўлжалланган узоқ муддатли шартнома имзолаган.
Балотеллининг янги жамоаси мавсумни омадсиз ўтказмоқда: иккинчи лигада 12 учрашувдан сўнг атиги 6 очко жамғарган «Ал-Иттифақ» турнир жадвалида 15-ўринда бормоқда.