«Нант» клуб тарихидаги энг ёмон 19-тур натижасини қайд этди
Франция чемпионатининг 19-турида «Нант» «Ница»га қарши баҳсда йирик ҳисобда мағлуб бўлди — 1:4. Бу ҳақда euro-football.ru хабар беради.
Бу натижа «канарейкалар» учун жорий мавсумдаги 11-мағлубият бўлди. 19 турдан кейин «Нант» турнир жадвалида бор-йўғи 14 очко жамғарган.
Қайд этилишича, бу клубнинг Франция олий лигасидаги бутун тарихида 19 турдан кейинги энг паст кўрсаткич: «Нант» аввал ҳеч қачон мавсумни бу қадар омадсиз бошламаган.
Ҳозир жамоа турнир жадвалида 16-ўринда бормоқда. Кейинги турда «Нант» 1-февраль куни сафарда «Лорьян»га қарши майдонга тушади.