«Бавария» Упамекано бўйича қарорни кутмоқда

«Бавария» спорт директори Макс Эберл ҳимоячи Дайо Упамеканонинг келажаги борасида фикр билдирди. 27 ёшли франсуз футболчининг Мюнхен клуби билан амалдаги шартномаси жорий мавсум якунигача мўлжалланган. Бу ҳақда euro-football.ru хабар беради.

Журналист Флориан Плеттенберг ижтимоий тармоқларда келтирган иқтибосга кўра, Эберл: «Биз Упамеканодан жавоб кутяпмиз», — деди.

Аввалроқ ОАВда «Бавария» янги шартнома бўйича Упамеканога берилган таклифни яхшилаш ниятида эмаслиги ҳақида хабарлар тарқалганди.

Упамекано «Бавария» сафида жами 176 ўйин ўтказиб, 6 та гол урди ва жамоадошларига 11 та голли узатма берди.