Н’Голо Канте «Ал-Наср»га ўтиши мумкин

«Ал-Иттиҳод» ярим ҳимоячиси Н’Голо Канте клубини ўзгартириши эҳтимоли бор. Бу ҳақда euro-football.ru хабар беради.

«Ал-Наср»нинг собиқ юридик бўлими директори Саад Ал Субай маълумотига кўра, жамоа француз таянч ярим ҳимоячисини сафига қўшиб олишга қизиқиш билдирмоқда. Битим январ ойи якунигача расмийлашиши мумкин.

Канте 2023 йилда «Челси»дан эркин агент сифатида «Ал-Иттиҳод»га келиб қўшилганди. Унинг амалдаги шартномаси 2026 йил 30 июнгача мўлжалланган. Жорий мавсумда у Саудия клуби сафида барча мусобақаларда 25 ўйинда майдонга тушиб, 2 та гол урди ва 1 та голли узатма берди. Transfermarkt портали ярим ҳимоячининг қийматини 4,5 миллион еврога баҳоламоқда.