Рубен Невеш Ал Ҳилол билан янги битимга яқинлашди
Ал Ҳилолнинг таянч ярим ҳимоячиси Рубен Невеш билан янги узоқ муддатли шартнома бўйича музокаралар якунги босқичга кириб бормоқда. Бу ҳақда инсайдер журналист Фабритсио Романо ижтимоий тармоқлардаги саҳифаларида маълум қилди. Бу ҳақда euro-football.ru хабар беради.
Манбага кўра, 28 ёшли португалияликка Европанинг бир қатор клублари, жумладан Манчестер Юнайтед ва Мадриднинг Реал жамоаси қизиқиш билдирганига қарамай, томонлар келишувни олдинга силжитмоқда. Кутилишича, Невеш уч йиллик янги шартнома имзолайди.
Невеш жорий мавсум барча турнирларда 22 учрашувда майдонга тушиб, 8 та гол урди ва 6 та голли узатмани амалга оширди, шунингдек 6 бор сариқ карточка олди. Transfermarkt порталида футболчининг нархи 25 миллион еврога баҳоланмоқда.