«Фиорентина» «Комо»ни ютди, аммо барибир тушиш зонасида қолди

Италия А Сериясида кучли бешликка яқинлашиб келаётган «Комо» шанба куни ўз майдонида аутсайдерлар сафидаги «Фиорентина»ни қабул қилди. Бу ҳақда euro-football.ru хабар беради.

Учрашувнинг биринчи бўлими ўрталарда меҳмонлар ҳисобни очди: Николо Фаджоли аввал ҳимоячига теккан зарба берди, бироқ қайтган тўпни иккинчи уринишда аниқ якунлаб, «Фиорентина»ни олдинга олиб чиқди — 0:1.

54-дақиқада флоренсияликлар устунликни оширди. Мойзе Кин пеналтни совуққонлик билан ижро этди: тўп бурчакка йўл олди, дарвозабон эса жойидан қимирламади — 0:2. Орадан кўп ўтмай Мартин Батурина узоқдан зарба бериб, тўпни дарвоза устунига яқин жойдан ўтказиб юборди.

70-дақиқада «Фиорентина» бош мураббийи Паоло Ваноли ҳакамга айтилган гаплари учун майдондан четлатилди. Шундан кейин «Комо» босими кучайди: Альваро Мората бош билан йўллаган тўп Фабиано Паризига тегиб, дарвозага кириб кетди — 1:2. Якунда Мората жанжалли вазиятда иштирок этиб, қизил карточка олди.

Ғалабага қарамай, «Фиорентина» турнир жадвалида пастки учликда қолмоқда. «Комо» эса олтинчи ўринни эгаллаб турибди.