Икарди хет-трик қилди ва «Галатасарай» тарихига кирди

Туркия чемпионатининг 22-тур учрашувида «Галатасарай» «Эйупспор»ни йирик ҳисобда таслим этди — 5:1. Бу ҳақда euro-football.ru хабар беради.

Баҳс қаҳрамонига айланган аргентиналик ҳужумчи Мауро Икарди ушбу ўйинда учта гол уриб, клубнинг янги рекордини ўрнатди. У «Галатасарай» тарихидаги энг сермаҳсул легионер сифатида қайд этилди.

Икарди ушбу кўрсаткич бўйича руминалик Георге Ҳажини ортда қолдирди: Ҳажининг ҳисобида 75 та гол бор эди, Мауро эса энди 76 та голга эга. Клубнинг умумий тўпурарлар рўйхатида аргентиналик футболчи ҳозирча еттинчи ўринда бормоқда.

Эслатиб ўтамиз, Мауро Икарди 2023 йилдан буён «Галатасарай» сафида тўп сурмоқда. У бунга қадар «ПСЖ» шарафини ҳимоя қилган.