Икарди хет-триги «Галатасарай» тарихида янги рекорд олиб келди
Туркия чемпионатининг 22-турида «Галатасарай» «Эюпспор»ни йирик ҳисобда мағлуб этди — 5:1. Учрашувда Мауро Икарди учта гол уриб, жамоасининг ғалабасида ҳал қилувчи роль ўйнади. Бу ҳақда euro-football.ru хабар беради.
Аргентиналик ҳужумчи ушбу натижа билан Истанбул клубининг тарихида энг кўп гол урган легионерга айланди. Икарди руминиялик Георге Ҳаджини ортда қолдирди: Ҳаджи «Галатасарай» сафида 75 марта рақиб дарвозасини ишғол қилган бўлса, Мауронинг ҳисобида энди 76 та гол бор.
Умумий тўпурарлар рўйхатида Икарди ҳозирча еттинчи ўринда қайд этилмоқда. Эслатиб ўтамиз, у «Галатасарай»да 2023 йилдан бери ўйнаб келади, аввалроқ эса «ПСЖ» шарафини ҳимоя қилган.