Слуцкийнинг «Шанхай»и Осиё Чемпионлар лигасида мағлуб бўлди
«Шанхай Шэньхуа» Осиё Чемпионлар лигасида 7-тур якунлангач плей-оффга чиқиш имкониятини бой берганди. 8-турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш бўлди, аммо кутилган натижа чиқмади. Бу ҳақда euro-football.ru хабар беради.
Учрашувда тайландликлар 2:0 ҳисобида ғалаба қозонди. «Бурирам Юнайтед» биринчи таймнинг дастлабки дақиқаларидаёқ икки бор рақиб дарвозасини ишғол қилди: 11-дақиқада Гуд Кёртис, 22-дақиқада эса Супханат Муанта гол урди. Кўп ўтмай «Шанхай Шэньхуа» бир футболчига камайиб қолди ва бу ўйиндаги интрига деярли якунланди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.