«Бавария» Ким Мин Жени яхши таклиф бўлса сотади
Мюнхеннинг «Бавария» клуби марказий ҳимоячиси Ким Мин Же жамоани тарк этиши мумкин. Бу ҳақда euro-football.ru хабар беради.
Аввалроқ футболчига Англия Премьер-лигасидан икки клуб қизиқиш билдираётгани ҳақида хабарлар тарқалган эди.
SPORT BILD маълумотига кўра, «Бавария» спорт директори Макс Эберл ўтган ёздаёқ Ким Мин Женинг яқинларига агар муносиб таклиф тушса, клуб футболчи билан хайрлашишга тайёрлигини етказган. Манбага кўра, мюнхенликларнинг позицияси ҳозир ҳам ўзгармаган. Шунга қарамай, футболчининг ўзи Мюнхенда ўзини қулай ҳис қилаётгани ва жамоада берилган ҳозирги ролини қабул қилгани таъкидланади.
Жорий мавсумда 29 ёшли жанубий кореялик барча мусобақаларда 23 ўйинда майдонга тушди, 1 гол урди ва 1 ассист қайд этди.