Туркияда бекор қилинган голдан сўнг ҳакамга самокат отишди
Туркияда ярим ҳаваскор лигалардан бирида футбол атрофидаги тартибсизлик яна кескин тус олди: гол бекор қилингач, томошабинлар ён ҳакам томонга электр самокат улоқтирди. Бу ҳақда euro-football.ru хабар беради.
Транспорт воситаси ҳакамга бориб тегди ва у жароҳат олгани айтилиб моқда. Ҳодиса акс этган видео ижтимоий тармоқларда тезда тарқалиб, катта резонанс уйғотди.
Воқеа «Дарендеспор» – «Ҳекимҳан» учрашувида юз берди. Табло 1:1 ҳисобини кўрсатиб турган пайтда, 87-дақиқада баҳсли эпизод юзага келди ва ён ҳакам Ҳакан Баскур киритилган тўпни қоида бузилиши билан урилган гол, деб баҳолади.
Айнан шу қарордан сўнг мухлислар орасидаги безорилар дарҳол агрессив ҳаракатга ўтди ва майдон томон электр самокат отилди.