«Бока Хуниорс» янги спорт директорини тайинлади

Аргентина гранди «Бока Хуниорс» клубида спорт директори лавозимига янги ном тайинланди — эндиликда бу вазифани Марсело Делгадо бажаради. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.

Клуб таркибни тезкор кучайтиришга муҳтож экани таъкидланмоқда ва Делгадо ҳамда Рикелме олдида трансфер масалаларини жадаллаштириш вазифаси турибди.

Делгадо футболчилик фаолиятида ҳам ном қозонган: у Аргентина терма жамоаси сафида 1995–2002 йиллар оралиғида 18 учрашувда майдонга тушган, жумладан 1998 йилги жаҳон чемпионатида ҳам иштирок этган.

Шунингдек, у 2003 йилда Либертадорес кубогининг энг яхши тўпурари бўлган — бу кўрсаткич бўйича «Сантос» ҳужумчиси, бразилиялик Рикардо Оливейра билан бир хил натижа қайд этган.