Линекер «Реал» ўйинидаги можарога муносабат билдирди
Англия терма жамоасининг собиқ ҳужумчиси Гари Линекер УЕФА Чемпионлар лигаси плей-офф босқичи доирасидаги «Бенфика» – «Реал» учрашувида юзага келган можарони изоҳлади. Ўйин давомида мадридликлар ҳужумчиси Винисиус Жуниорга нисбатан ирқчилик руҳидаги ҳақоратлар янграгани айтилмоқда. Бу ҳақда euro-football.ru хабар беради.
Линекернинг сўзларига кўра, Винисиус чиройли гол уриб, уни нишонлаганидан кейин «Бенфика» футболчиларидан бири бразилиялик футболчини ҳақорат қилган. Эксперт бундай ҳолатни исботлаш қийин бўлиши мумкинлигини таъкидлади, бироқ ирқчиликнинг ҳар қандай кўриниши ўйинга салбий таъсир қилишини, бу масала футбол доирасидан анча ташқарига чиқиб кетганини қўшимча қилди.
Учрашув «Реал»нинг 1:0 ҳисобидаги минимал ғалабаси билан якунланди. Қарама-қаршиликнинг жавоб ўйини «Сантяго Бернабеу» стадионида бўлиб ўтади.