Каррагер «Буде-Глимт»га ҳурматни оширишга чақирди
«Ливерпул»нинг собиқ ҳимоячиси Жейми Каррагер Миланнинг «Интер»ига қарши ўйиндан кейин Норвегиянинг «Буде-Глимт» клубини алоҳида эътироф этди. Чемпионлар лигаси плей-оффидаги илк баҳсда норвеглар А Серия вакилини 3:1 ҳисобида мағлуб этиб, шов-шувли натижа қайд этди. Бу ҳақда euro-football.ru хабар беради.
Каррагернинг айтишича, «Буде-Глимт» номи билан «Интер»ни енгган жамоани кўриш дастлаб катта ҳайрат уйғотади, бироқ учрашувни диққат билан томоша қилган ҳар қандай мухлис уларнинг голлар уриш услуби ва футболчилар кўрсатаётган савиясини кўради. Унинг фикрича, норвеглар Чемпионлар лигаси даражасидаги жамоа каби ўйнамоқда ва уларга янада кўпроқ ҳурмат билан қараш керак.
«Интер» ва «Буде-Глимт» ўртасидаги жавоб учрашуви 24 февраль куни бўлиб ўтади.