Севилья бир киши кам қолган Гетафени таслим этди
Ла Лиганинг 25-турида "Гетафе" ўз майдонида "Севилья"ни қабул қилди. Учрашув темп жиҳатидан оғир кечди, хавфли вазиятлар кўп бўлмади, аммо меҳмонлар ўзларидаги кам имкониятдан унумли фойдаланди. Бу ҳақда euro-football.ru хабар беради.
Ўйиннинг 26-дақиқасида "Гетафе" футболчиси Дйене Даконем қизил карточка олиб, жамоасини бир киши кам қолдирди. Сон жиҳатидан устунлик "Севилья"га ўйинни назорат қилиш ва босимни кучайтириш имконини берди.
Ҳал қилувчи эпизод 64-дақиқада юз берди: Жибрил Соу узатмасидан сўнг Акор Адамс аниқ зарба билан ҳисобни очди — 0:1. Шу гол баҳс тақдирини ҳал қилди.
Бу натижадан кейин ҳар икки жамоада 29 очкодан бўлиб, улар турнир жадвалида 12-ўринни бўлиб турибди.