Артета МЮ ва «Челси» мухлисларига жавоб қайтарди

Лондоннинг «Арсенал» жамоаси бош мураббийи Микел Артета чемпионлик пойгасида «Манчестер Юнайтед» ва «Челси» мухлислари кимни ёқлаётгани ҳақидаги саволга муносабат билдирди. Бу ҳақда euro-football.ru хабар беради.

Одатда, «қизил иблислар» ва «кўклар» тарафдорлари «Арсенал»нинг яна совринсиз қолишини истаб, чемпионликни «Манчестер Сити» олишини маъқул кўриши айтилади.

«Улар хоҳлаган жамоасини қўллаб-қувватлаши мумкин, бу мени безовта қилмайди. Биз ҳозир чемпионлик сари кетаяпмиз, кейин нима бўлишини вақт кўрсатади. «Манчестер Юнайтед» ва «Челси» мухлислари «Арсенал»ни ёқтирмагани учун бошқа клубга ён босишдан кўра, ўз жамоаларининг кучли тўртлик учун курашига эътибор қаратгани маъқул», — деди Артета «Тоттенҳэм» устидан 4:1 ҳисобидаги ғалабадан кейинги интервюсида.

Айни пайтда «Арсенал» турнир жадвалида 61 очко билан етакчилик қилмоқда. «Манчестер Сити» 5 очко ортда, бироқ унинг захирада битта ўйини бор.