Килиан Мбаппе «Реал»нинг «Бенфика»га қарши ўйинини ўтказиб юборади

Мадриднинг «Реал» клуби ҳужумчиси, франсуз юлдузи Килиан Мбаппе Чемпионлар Лигаси доирасида «Бенфика»га қарши бўладиган яқин учрашув учун қайдномага киритилмади. Бу ҳақда euro-football.ru хабар беради.

«Қироллик клуби» матбуот хизмати плей-оффнинг саралаш босқичи жавоб ўйини учун таркибни эълон қилди. Рўйхатда Мбаппе йўқ — футболчи жароҳат олгани сабабли учрашувни ўтказиб юборади.

«Реал» қайдномаси: Куртуа, Лунин, Гонсалес – Карвахал, Алаба, Трент, Каррерас, Фран Гарсия, Рюдигер, Менди – Камавинга, Вальверде, Тчуамени, Гюлер, Сестеро, Анхел, Паласиос, Питарч – Винисиус, Гонсало, Браим Диас, Мастантуоно.

«Реал» – «Бенфика» ўйини бугун, 25 февраль куни бўлиб ўтади. Старт ҳуштаги 01:00 да (Тошкент вақти билан) янграйди. Баҳснинг барча воқеаларини LiveResult порталидаги матнли трансляция орқали кузатиш мумкин.