«Комо»нинг ҳужумчиси Аддай мавсум охиригача сафдан чиқди

Аввалроқ хабар берганимиздек, «Комо» етакчи ҳужумчиларидан бири Жейден Аддайсиз қолди — у Турин «Ювентус»ига қарши ўйинда майдонга туша олмади. Шунга қарамай, Сеск Фабрегас шогирдлари гранд устидан ишончли ғалаба қозониб, рақиб дарвозасига жавобсиз икки гол урди. Бу ҳақда euro-football.ru хабар беради.

Энди эса Аддай бу мавсумда умуман ўйнай олмаслиги маълум бўлди. Ахилл пайи жароҳати сабаб у мавсум охиригача сафдан чиқди. Жорий чемпионатда ҳужумчи 12 учрашувда 3 бор рақиб дарвозасини ишғол этишга улгурганди.

Италия чемпионатининг кейинги турида «Комо» ўз майдонида «Лечче»ни қабул қилади.