«Барселона» Френки де Ёнгни камида бир ойга йўқотди
«Барселона» ярим ҳимоячиси Френки де Ёнг жароҳат туфайли жамоага ёрдам бера олмайди. AS нашри хабарига кўра, нидерландиялик футболчида соннинг икки бошли мушаги узилиши аниқланган. Бу ҳақда euro-football.ru хабар беради.
Ушбу жароҳат сабаб де Ёнг камида бир ой майдонга туша олмайди.
2025/2026 йилги мавсумда Френки де Ёнг «Барселона» сафида 31 та учрашув ўтказди. Унинг ҳисобида 1 та гол ва 7 та голли узатма бор.
La Liga турнир жадвалида «Барселона» етакчилик қилмоқда: жамоа иккинчи ўриндаги «Реал»дан 1 очко олдинда. Ҳанс-Дитер Флик бошқарувидаги каталонияликлар навбатдаги ўйинини 28 февраль куни ўз майдонида «Вильярреал»га қарши ўтказади — учрашув 20:15 да (Тошкент вақти билан) бошланади.