Нагелсманн Нойернинг қайтиши бўйича аниқ фикр билдирди

Германия терма жамоаси бош мураббийи Юлиан Нагелсманн дарвозабон Мануэль Нойернинг миллий жамоага эҳтимолий қайтиши ҳақидаги саволларга муносабат билдирди. Бу ҳақда euro-football.ru хабар беради.

ОАВда ҳамон «Бавария» саркори бўлган, тез орада 40 ёшни қаршилайдиган тажрибали голкиперни терма жамоага яна чақириш мумкинлиги ҳақида гап-сўзлар тўхтагани йўқ. Айримлар Нойер жаҳон чемпионати арафасида бундестимнинг дарвозабонлар билан боғлиқ муаммосини ёпишга ёрдам бериши мумкинлигини тахмин қилмоқда.

«Бу масалада позициямни очиқ айтганман, Ману ҳам ўз фикрини аниқ билдириб бўлган. У терма жамoadagi фаолиятини якунлаган. Ҳозир ҳам у “Бавария”да ўз ишини жуда яхши бажаряпти, аммо бизда Бауманн деган бошқа аъло дарвозабон бор. Агар Оли шу даражада ўйнашда давом этса, жаҳон чемпионатини жуда яхши ўтказади», — деди Нагелсманн Kicker билан суҳбатда.

Мануэль Нойер 2024 йилда Германия терма жамоасидаги фаолиятини якунлаган.