«Лион» ва «Ньюкасл» илк беш дақиқадаги голларда пешқадам

Франциянинг «Лион»и ҳамда Англиянинг «Ньюкасл»и Европанинг топ-5 лигалари орасида учрашувнинг дастлабки беш дақиқасида урилган голлар бўйича энг юқори кўрсаткични қайд этмоқда. Бу ҳақда euro-football.ru хабар беради.

Якшанба куни «Лион» Франция чемпионатида «Марсель»га қарши баҳсда яна шундай тезкор гол урди. Бироқ бу гол жамоага фойда келтирмади: «Марсель» ўйин тақдирини ўзгартириб, «тўқувчилар»нинг ёрқин ғалабали сериясига якун ясади ва мезбонларни очкосиз қолдирди.

Ҳозирча «Лион» ва «Ньюкасл» ҳисобида дастлабки 5 дақиқада урилган 6 тадан гол бор. Кейинги ўринларда Испаниянинг «Алавес»и ва Мюнхеннинг «Бавария»си — уларнинг ҳар бирида 5 тадан шундай гол қайд этилган.