Зәй кызлары фигуралы шуу осталары буларак танылды
“Яшьлек” боз сараенда фигуралы шуу буенча мәктәп укучылары арасында Зәй районы ачык беренчелегенә ярышлар оештырылды. Янда Казан, Чаллы, Ижау, Туймазы, Әлмәт, Кукмара, Баулы, Яшел Үзән, Әгерҗе, Мамадыш, Минзәлә, Чистайдан яшь фигуристлар катнашты, ярышларды Зәй укучылары сынатмады: матур чыгышлары белән сокландырды. Нәтиҗәләргә килгәндә, 2010 елгылардан Дарина Волкова - I, Анастасия Исправникова II урын алды. 2009 елгы спортчылар иң зур төркемне хасил итте, анда 28 кыз көч сынашты. Араларыннан шәһәрдәшләребез Динә Хөснетдинова - II, Арина Столярова IV урында. Ә 2008 елгылар арасында Яна Терещенко - III, 2нче яшүсмер разрядлы фигуралы шуучылар арасында Диана Голованова - I, Арина Константинова - V, 2нче спорт разрядлылардан Мария Устимкина – II, Карина Семенова - V, 1нче спорт разрядлылардан Полина Новокупова - IV, 2002 елгы һәм аннан да өлкәнрәкләрдән Арина Зарипова - I, спорт остасына кандидатлар арасында Валерия Козякова II урын алдылар.