Башкорстанда бер ир-ат матрас аркасында һәлак булган
35 яшьлек ир-атның тормышы янгын вакытында фаҗигале рәвештә өзелгән, дип хәбәр итә Башкортстанның гадәттән тыш хәлләр министрлыгы.
Инцидент Туймазы районының Серафимовский авылында була, анда фатирларның берсендә матрас яна башлый.
«Янгын сүндерүчеләр килгәнче ут сүндерелгән. Ир-атны идарәче компания хезмәткәре эвакуацияләгән, әмма көчле пешү аркасында, медиклар аны коткарып кала алмаган. Мөстәкыйль рәвештә өйдән тагын 17 кеше эвакуацияләнде, шул исәптән 2 бала да», – дип шәрехләделәр ведомствода.
Янгын чыгуның башлангыч сәбәбе дип, саксыз тәмәке тартуны атыйлар, хәзер булган хәлнең бөтен нечкәлекләре һәм шартлары ачыклана, дип яза «Башинформ».