Иделдә әйләнеп капланган көймәдә өч кеше һәлак булган
Ярославль өлкәсендә Идел елгасында әйләнеп капланган көймәдәге 3 кеше һәлак булган. Бу турыда Тикшерү комитетына сылтама белән РЕН ТВ хәбәр итте.
Фаҗига Поляны авылы тирәсендә була. Судно-көймәдә 4 ир-ат Иделгә чыга. Аннары көймә әйләнеп каплана. Ир-атларның берсе генә котыла алган. Ул ярга кадәр йөзеп чыга һәм фаҗига турында хәбәр итә.
Югалган ир-атларның мәетләрен водолазлар тапкан.
Җинаять эше ачылган, тикшерү бара, диелә хәбәрдә.