Компенсацияне интернетта исәпләп була
Хәзер Татарстан дәүләт хезмәтләре порталында балалар бакчасы өчен түләүгә компенсацияне онлайн-режимда исәпләргә мөмкин.
Моның өчен баланың исем-фамилиясе, туган көне, СНИЛС, туу турындагы таныклыкның сериясе һәм номеры, аның бирелү вакыты турындагы мәгълүматларны күрсәтергә кирәк.
Шулай ук республикада балалар бакчалары өчен түләү артуга бәйле “кайнар линия” эшли башлады. Бу өлкәгә кагылышлы сораулары булган һәркем эш көннәрендә иртәнге сәгать тугыздан кичке сәгать алтыга кадәр (843) 294-95-08 телефон номеры буенча мөрәҗәгать итә ала.