Зәйдә Икенче Бөгелдедә су скважинасы бораулауга керештеләр

Зәй районының Аксар авыл җирлегенә караган Икенче Бөгелде авылында яңа су скважинасы бораулауга керештеләр. Бу халыкны эчә торган су белән өзеклекләрсез тәэмин итү мөмкинлеге бирәчәк, ди авыл җирлеге башлыгы Юрий Гыйльманов. Бигрәк тә җәйге чорда әлеге территориядә яшәүчеләр су проблемасы белән еш очраша иде. Яңа скважина заманча таләпләргә җавап бирерлек итеп, суга ихтыяҗны канәгатьләндерүне күздә тотып эшләнә.