Зәйдә “Бердәм Россия” партиясенең җирле бүлеге физик мөмкинлеге чикләнгән балалар өчен үзенчәлекле чара оештырды

Инвалидлар декадасы уңаеннан “Бердәм Россия” сәяси партиясенең Зәй җирле бүлеге башкарма комитеты әгъзалары  шәһәрнең коррекция мәктәбендә булдылар. Анда балаларга 12 декабрьдә билгеләнеп үтүче - Россия Федерациясе Конституциясе көне хакында, символикалар турында мәгълүмат бирелде. Иҗади эш процессы барышында укучылар агачтан сувенирлар эшләделәр, аларга Россия символикаларын да төшереп ясауга игътибар бирделәр. Әлеге чарада актив катнашучы һәр бала сәяси партиядән истәлекле бүләккә ия булды.