Халык юл хәрәкәте кагыйдәләрен бозучыларны хәбәр итә
Халык эшкә кереште. Аларның юл хәрәкәте кагыйдәләрен бозучылар хакында ”Халык инспекторы” системасына җибәргән гаризалары буенча административ хокук бозучыларга карата 144 карар чыгарылган.
Хәбәр иткәнебезчә, "Халык инспекторы" системасы ноябрь аеннан эшли башлады. Шушы вакыт эчендә кешеләрдән 1538 заявка кергән. Заявкаларның 771 е ЮХИДИгә, 23 проценты административ-техник инспекциягә тапшырылган. Заявкаларның 831 ендә тротуарларда калдырылган машиналар хакында хәбәр ителгән.