Әлмәт районыннан күп балалы анага медаль тапшырганнар
Әлмәт районында яшәүче биш бала анасы Рушания Фазлыева «Ана даны» медаленә лаек булган.
Медальне аңа Рөстәм Миңнеханов үзе тапшырган. Фазлыевлар гаиләсендә өч кыз һәм ике малай үсә. Тату гаиләнең өлкән кызы КФУның Алабуга филиалында белем ала. Гаиләдә бер-берсенә ярдәмләшеп яшиләр. Гаилә башлыгы Альберт Фазлыев та тормыш иптәшен шулай олылауларына канәгать. Чөнки гаилә учагын саклау аның җилкәсендә, ди ул.