"Татнефть" - абсолют җиңүче
Бүген “Корстон” сәүдә, күңел ачу комплексында “Эколидер” һәм “Кеше һәм табигать” республикакүләм конкурсында катнашып җиңүчеләрне бүләкләү тантанасы узды, дип хәбәр итә "Татар-информ" агентлыгы.
“Эколидер” һәм “Кеше һәм табигать” республикакүләм конкурслары, безгә бүген әйләнә-тирәне саклауның никадәр дәрәҗәдә мөһим булуын аңларга ярдәм итә, диде республика премьер-министры Илдар Халиков .Предприятие һәм оешмаларның кереме табигатьне юкка чыгару, территорияне пычрату исәбенә артырга тиеш түгел, дип ассызыклады ул.
“Эколидер” конкурсында абсолют җиңүче итеп “Татнефть” ААҖ е игълан ителде.