Зәйдә Яңа ел тамашалары – йорт ишегалларында
Зәйдә Яңа ел тамашалары кичләрен йорт ишегалларында уза. 23 декабрьдә ул Җиңү проспектының, 1/06, кичә исә Төзүчеләр урамының 14нче йорты ишегалдында булды. Бүген шундый тамаша Жуков урамының 5нче йорты ишегалдында үтә. Аны район мәдәният йорты хезмәткәрләре оештыра. Кыш бабай һәм Кар кызы, әкият геройлары бистә халкын котлап, күңел ачу программасы белән чыгыш ясый.