Коммуналь хезмәтләр өчен бәя арта

Россия хөкүмәте2014-2016 елларга коммуналь хеззмәтләр һәм торакны капиталь төзекләндерү чыгымнары өчен федераль стандартларны раслады. Бәяләр кабат арта.

Әлеге карар нигезендә Россиядә 1 квадрат метр торак өчен айлык коммуналь хезмәт бәясе 2015 елда - 116,5 сумнан 126,1 сумга (8,2 %), 2016 елда - 135,7 сумга (7,6 %) җитә. Быел Татарстан халкы 108 сум түләгән булса, 2015 елда ул сумма 1 квадрат метр өчен 117 сум булачак. 

1 квадрат метр торакны капиталь төзекләндерү өчен айлык түләү 2015 елда 7 сум булачак (арту 4,4 %), ә 2016 елда 7,4 сум түләячәкбез (5,7 %)