Юридик документларга дәүләт пошлиналары арта
2015 елның 1 гыйнварыннан Россия Федерациясе Салым кодексының 2 бүлеге 25.3 бүлекчәсенә кертелгән үзгәрешләр гамәлгә керә. Ул дәүләт автоинспекцияләре бүлекчәләрендә башкарылучы юридик көчкәия документ эшләренә кагыла, ягъни дәүләт пошлиналары бәяләре арта. Мәсәлән, автотранспорт чарасын теркәгәндә дәүләт теркәү билгесе – 2000, транспорт чарасы теркәлү турындагы таныклыкка – 500, ПТСка үзгәрешләр кертү 350 сум торачак. Ә транспорт чарасын ПТС биреп теркәү башкарылганда, гомуми сумма 3300 сум белән исәпләнә. Дәүләт автоинспекциясе транспорт чарасы сатып алганда, аны исәпкә куюны үз вакытында башкару мөһимлеген искәртә. Транспорт чарасының яңа хуҗасы документлаштыру эшләрен үз вакытында башкармаса, транспорт салымы да, юл хәрәкәте кагыйдәләрен бозган өчен штрафлар да элекке хуҗага килә.