Mijëra persona protestojnë kundër qeverisjes së re në Austri

Disa protestues kanë dalur sot në rrugët e Vjenës duke bërë thirrje që të bojkotohet qeveria e re e së djathtës në Austri nga pjesa tjetër e Evropës, transmeton Reuters.


Sipas policisë rreth 20,000 persona janë mbledhur për të protestuar kundër koalicionit të ri qeveritar, i cili përfshin partinë e ekstremit të djathtë, Partia e Lirisë (FPO).


Në mesin e protestusve kishte studentë, grupe të së majtës dhe pensionistë, të cilët kanë mbajtur pllakate në të cilat shkruhej “Mos lejoni qeverisjen e nazistëve”.


Policia austriake ka thënë se 1000 zyrtarë kanë qenë në detyrë gjatë organizimit, derisa ngjarjen e kanë përshkruar paqësore.


Ata kanë kërkuar bojkotimin e ministrave të FPO-së nga qeveritë tjera evropiane.


Muajin e kaluar, FPO është bërë pjesë e qeverisë, në kuadër të qeverisjes së kancelarit, Sebastian Kurz.


Të dy palët kanë premtuar se do ta ndalin migrimin ilegal dhe islamin radikal.


“Është shumë e rëndësshme që shoqëria austriake të jetë e mobilizuar. FPO nuk është vetëm populliste, mirëpo edhe armike e demokracisë”, ka thënë presidenti i Lëvizjes kundër-racizmit, Benjamin Abtan.