Gabriel: Njohja e Kosovës është kusht për anëtarësimin e Serbisë në BE
"Nëse Serbia dëshiron të lëvizë përpara drejt Bashkimit Evropian, respektimi i ligjit është kushti kryesor, mirëpo edhe pranimi i pavarësisë së Kosovës. Ky është një kusht qëndror për ta marrë rrugën drejt BE-së”, tha Gabriel.
“Një nga punët do të jetë edhe bindja e pesë vendeve të BE-së që nuk e kanë njohur Kosovën se një njohje e tillë ka kuptim sepse Kosova kurrë nuk do të jetë më pjesë e Serbisë”, tha ai.
“Do të ishte në interstin e të gjithëve që të gjendet një zjgidhje me Serbinë që të përfundojë çështja e njohjes. Kjo është e rëndësishme për Serbinë, përndryshe Serbia nuk do të mund të bëhet një anëtarë e BE-së. Por, në të njejtën kohë është edhe në interes të Kosovës. Kjo është një çështje ku të gjithë fitojnë”, tha kryediplomati gjerman.
Ai u ka bërë thirrje institucioneve vendore që të gjejnë zgjidhje për çështjen e demarkacionit në mënyrë që qytetarët e Kosovës të udhëtojnë pa viza në zonën Schengen.
“Jam i lumtur që ka vullnet të zgjidhet çështja e demarkacionit me Malin e Zi, në mënyrë që ky kriter të plotësohet dhe të liberalizohen vizat për qytetarët e Kosovës”, theksoi Gabriel.
“Gjermania është një nder vendet e para që kanë njoftë shtetësinë e Kosovës e cila duhet të jetë krenare për arritjet e veta”, tha ai.
Gabriel e ka siguruar Haradinajn se Gjermania do të jetë një partner i qëndrueshëm i Kosovës.