Кыргыз бешбармагын Гиннеске киргизүү аракети көрүлүп жатат

Бишкекте 5-март - Ак калпак күнүндө бир тонна бешбармак даярдап, аны Гиннестин рекорддор китебине киргизүү аракети көрүлүп жатат. Иш-чараны «Кыргыз тилектештиги» коомдук бирикмеси «Ак элечек», «Ак калпак» долбоорлорунун негиздөөчүлөрү менен чогуу уюштурууда. 


Уюштуруучулардын билдиришинче, бешбармак 5-мартта борбордук Ала-Тоо аянтында даярдалат. Ага беш жылкынын эти колдонулат.   


Казакстандын Астана шаарында 2015-жылы 700 килограммдан ашык бешбармак даярдалып, Гиннестин рекорд китебине киргени кабарланган.


Бешбармак -  түрк тилдүү элдердин, анын ичинде кыргыздын улуттук тамак-аштарынын бири. (NT)