Улуттар уюму Сирияда жайкын тургундардын бутага алынышын токтотууга чакырды. Өкмөттүк жана ага өнөктөш күчтөрдүн соккусунан акыркы эки күндө козголоңчулар көзөмөлдөгөн аймакта 100гө жакын кишинин өмүрү кыйылган. Бул арада Сириянын өкмөтчүл күчтөрү өлкөнүн түндүгүндө Түркия күрт кошуундарына каршы операция өткөрүү үчүн Африн анклавына киргени кабарланды. Анкара болсо алардын жолу торолгонун билдирүүдө.
