Ярәшү мәҗлесе фаҗигале төгәлләнгән
Яр Чаллыда егет белән кыз ярәшүләрен хәмер белән билгеләп үтәргә җыенганнар.
Әмма мәҗлес барышында ызгыш килеп чыккан һәм кыз булачак иренә пычак белән кадаган. Һәм үзе үк, аның үлү ихтималыннан куркып булса кирәк, ашыгыч ярдәм машинасын чакырткан. Эчке органнарына зыян килгән 32 яшьлек егетне хастаханәгә алып киткәннәр.
Кияүгә чыгасы кызга карата җинаять эше кузгатылган, дип хәбәр итә ТР Эчке эшләр министрлыгының матбугат хезмәте.