50 мең сумын «алыштырырга» дип биргән
Казанда яшәүче 84 яшьлек бер ханымның фатирына көндез ике кыз килеп керә һәм үзләрен социаль служба хезмәткәрләре дип таныта.
Алар әбигә тиздән акча реформасы булачагын әйтеп, булган акчаларын алыштырырга тәкъдим итәләр. Әби 50 мең сумын чыгарып бирә.
Алданганын белеп алганнан соң әби полиция бүлегенә хәбәр итә. Хәзерге вакытта мошенникларның шәхесен ачыклау һәм эзләү буенча эш бара.